Hvernig skal klæða sig í fjallið?

Þegar fólk ætlar að skella sér á skíði, þá skiptir máli að vera rétt útbúin í fjallið. Við hjá Útilífi erum tilbúin til að taka á móti ykkur og hjálpa við að finna rétta búnaðinn, hvort sem það eru gönguskíði, svigskíði, fjallaskíði eða bretti. Í útivistarverslun okkar, Skeifunni 11, bjóðum við upp á vörur frá leiðandi merkjum í skíða- og brettaheiminum á borð við Atomic, Rossignol Salomon, Bataleon og Drake, ásasmt fleiri framúrskarandi merkjum. Hér að neðan höfum við tekið saman það sem við teljum líklegast til hjálpa þér að eiga ógleymanlegan dag í fjallinu!

Á veturnar eru margir sem lífga upp á tilveruna með því að fara á skíði.

Grunnlag og sokkar

Það er ekkert verra en að vera kalt í fjallinu, því er mikilvægt að velja gott innsta lag eða föðurland sem heldur á þér hita allan daginn. Við bjóðum upp á grunnlög frá ýmsum merkjum, meðal annars, Houdini, Devold, SnowPeak, Helly Hansen og Ortovox. Þegar kemur að því að velja sér grunnlag eru margir sem leitast eftir Merino ull, en eru eiginleikar hennar sérstaklega góðir fyrir hreyfingu í köldu loftslag
¾ merino buxurnar frá þeim eru sérstaklega hentugar þar sem þær ná bara niður að skíðaskó og valda því ekki óþarfa þrengslum og þrýsting á kálfa.

• Bridedale framleiðir einnig frábæra skíðasokka úr Merino blöndu, passlega þykkir og hlýir þannig að fótunum líður vel í skónum allan daginn:
  

Skíðabuxur og jakki eða millilag og skel?

Það er ekkert eitt svar við því hvernig best er að klæða sig í fjallinu, því segjum við að þetta snúist um að þú veljir það sem þér finnst þægilegt. Sumir vilja einfaldlega geta hent sér í innsta lag og skíðabuxur og skíðajakka yfir á meðan aðrir kjósa lagskiptan klæðan með milllagi eða lögum og skel yfir. Báðar nálganir geta virkað mjög vel.
Skíðabuxur og jakkar eru í flestum tilfellum sérhannðar flíkur til skíðaiðkunar. Þær hafa því ýmsa sniðgua eiginleika á borð við vasa á ermi fyrir skíðakort, hlífar eða smellur til að varna því að snjór komist inn um skálmar eða mitti.
Þær er einnig oft hannaðar til að vera liprar á þeim svæðum sem hreyfast mikið við skíðun og harðgerðar á álagspunktum.
Bæði buxur og jakkar eru svo í flestum tilfellum fóðrað þannig að þér ætti að geta verið hlýtt allan daginn, á sérstaklega köldum dögum eða fyrir kulsækna er svo alltaf hægt að bæta við millilagi.
Helsti ókostur þessa fatnaðar er helst sá að vatnsheldni og öndun er í flestum tilfellum ekki eins mikil og í skeljum.
Hér má sjá úrval okkar af skíðafatnaði.

Það hefur orðið æ vinsælla á undanförnum árum að nota skelfatnað og lagskiptan klæðnað við skíðaiðkun. Kostir þess eru aukin vatnsheldni, meiri öndun og fleiri möguleikar á að stýra hitastigi. Rétt eins og í göngum eða annari útivist þá getur það verið hentugt að geta bætt við sig eða fækkað lögum eftir aðstæðum. Margir horfa einnig til þess að slíkar flíkur hafa meira notagildi en sérhæfður skíðafatnaður.
Góður skelklæðnaður og millilög nýtast vel allan ársins hring í öllum aðstæðum.
Hér má sjá úrval okkar af skeljum og millilögum.

Höfuðföt og hanskar

Góðir hanskar geta verið stór þáttur í hversu ánægjulegur dagurinn þinn á skíðum er. Mikilvægt er að hanskarnir séu vel fóðraðir, bæði með góða vatnsheldni og gott grip.
Þeir sem eru sérstaklega kulsæknir kjósa oft lúffur fram yfir hanska til að nýta betur þann varma sem líkaminn myndar.
Flestir nýlegir hjálmar eru fóðraðir með ull eða gerviefnum, í þokkalegu veðri geta auka höfuðföt því verið óþörf.
Þegar veður er verra eða kuldi meiri getur þó verið gott að vera með lambúshettu eða buff til að auka hlýju eða hlífa andliti fyrir veðri og vindum.
Að auki er alltaf gott að vera með góða húfu með sér til að skella á sig þegar hjálmurinn er tekinn af.

Við vonum að þessi yfirferð hafi verið gagnleg. Svo er auðvitað alltaf hægt að koma til okkar í Skeifuna 11 þar sem sérfræðingar okkar gefa góð ráð við val á búnaði. Sjáumst í fjallinu!