Þegar stunduð er úthaldsþjálfun, eins og hlaup, hjólreiðar, sund eða fjallgönga, þarf að hugsa um næringu sem hluta af æfingunni sjálfri. Næring kvenna er ólík næringu karla í úthaldsíþróttum þar sem konur hafa aðra hormónastarfsemi og það getur skipt miklu máli að taka mið af tíðahringnum þegar kemur að næringu, orku og endurheimt. Konur þurfa ekki að óttast að taka erfiðar æfingar hvar sem þær eru staddar í tíðarhringnum, en að þekkja tíðarhringinn sinn og stilla næringuna eftir honum getur hjálpað til þess að hámarka árangur og vellíðan. Hormónin estrógen og prógresterón sveiflast yfir mánuðinn og hafa áhrif á það hvernig líkaminn nýtir kolvetni, fitu og prótein. 

Frá því að blæðingar klárast og þar til egglos hefst hækkar estrógen í líkamanum - líkaminn nýtir kolvetni sérstaklega vel og endurheimt er hröð. Á þessum tíma er líkaminn vel í stakk búinn við að takast á við erfiðar æfingar og það skiptir að sjálfsögðu máli að taka inn kolvetni á æfingum, til dæmis 3x C30 Neversecond orkugel yfir 1,5klukkutíma úthaldsæfingu.

Eftir að egglosi líkur byrjar líkaminn að undirbúa sig fyrir blæðingar, prógresterón hækkar ásamt estrógeni sem getur m.a. haft þau áhrif á líkamann að líkamshiti hækkar, melting getur verið viðkvæmari og líkaminn þarf meiri vökva til þess að ná góðu jafnvægi. Orkuþörf er oft meiri á þessu tímabili og því mikilvægt fyrir konur í úthaldsíþróttum að passa að missa ekki úr máltíðum, heldur auka kolvetnainntöku til þess að mæta orkuþörf líkamans og ná að hámarka árangur á æfingum. Þá er til dæmist hægt að bæta inn einu C30 Neversecond orkustykki og banana yfir daginn. Fyrir blæðingar á líkaminn oft erfiðara með að geyma og nýta glýkógen sem er ástæðan fyrir því að kolvetnaforða þarf að vera viðhaldið sérstaklega. Það er að sjálfsögðu í lagi að taka erfiðar æfingar á þessu tímabili en vertu meðvituð um að þú þurfir meiri vökva og næringu til þess að ná sama árangri.

Þegar blæðingar hefjast núllstillist líkaminn aftur, estrógen og prógresterón lækka sem þýðir að líkaminn vinnur betur með kolvetni og endurheimt verður hraðari. Það er alltaf lykilatriði að passa að fá 20-30gr af próteini ásamt kolvetnum innan 30 mínútna eftir æfingu til þess að hámarka endurheimt - sama hvar í hringnum maður er.

Það er ótrúlega hjálplegt að vera meðvituð um næringu sem kona í úthaldsíþróttum. Við förum í gegnum hormónabreytingar í hverjum mánuði en það þarf ekki að halda aftur af okkur. Ef við nærum okkur eftir hringnum getum við ná enn betri árangri í öllu því sem við tökum okkur fyrir hendur.