Útilíf býður Þorstein Roy velkominn í samfélag Afreksfólks. Þorsteinn er þriðji íþróttakappi verkefnisins sem ætlað er að styðja við fjölbreyttan hóp einstaklinga sem stefna lengra í sinni íþrótt.

Þorsteinn Roy er með fremstu hlaupurum landsins og hefur undanfarin ár náð frábærum árangri í bæði utanvega- og götuhlaupum. Hann byrjaði árið 2024 af krafti og varð Íslandsmeistari í 5 km götuhlaupi í Víðavangshlaupi ÍR. Þorsteinn er einnig í íslenska landsliðinu í utanvegahlaupum sem mun á næstu dögum keppa á evrópumóti í Annecy í Frakklandi.
Þorsteini er margt til lista lagt og ásamt afrekum í hlaupagreinum hefur hann stundað nám við sjúkraþjálfun og tekið fjöldan allan af ljósmyndum og myndefni víðsvegar um landið.